……dimos unha segunda vida a unhas caixas de ovos que convertimos en sementeiros de tomate, pemento e perexil. Levámolos ás nosas casas para coidalas e devolvelas unha vez xerminaron, para transplantalas á nosa horta.
Fabricamos en equipo un tipi para que os chícharos que plantamos poidan trepar por el. E plantamos tamén tirabeques!!
A nosa composteira precisa os nosos coidados. Encargámonos de remexer a conciencia os restos orgánicos para que non se apelmacen e poida entrar o aire para que se descompoñan.
Colaboramos entre todas, grandes e pequenas, para proporcionar ás plantas da nosa horta os coidados que precisan; rego, abono…
A rapazada da horta contamos aos compañeiros e compañeiras todo o que facemos nela e a ilusión coa que traballamos a terra, e lles pedimos que nos axuden a mantela coidada. Por si alguén se despista e sen querer pisa as plantas, decidimos delimitar o espacio da horta cunha cinta. Así as nosas plantiñas poderán crecer máis tranquilas!
A semana que ven voltamos con máis novidades.
Vémonos no patio!
ANPA FARO 