Estimadas familias,
Queremos presentarvos este proxecto chamado “ANPA Faro; cambiemos as narrativas”, que levaremos a cabo durante o mes de novembro, grazas a unha subvención que foi concedida pola Secretaría Xeral de Igualdade da Xunta de Galicia.
Como Asociación de Nais e Pais quixemos aproveitar a oportunidade que nos abría esta subvención para presentar unha iniciativa que nos achegara as familias recursos relacionados coa educación dos nosos nenos e nenas, presentando unha proposta que tivera como temática a coeducación e a igualdade entre homes e mulleres.
Por mor da Covid 19, todas as actividades tiveron que ser repensadas para poder adaptarse aos protocolos actuais.
As actividades que levaremos a cabo dentro da iniciativa de este ano son:
- Guía de alfabetización mediática: para que as familias teñamos a capacidade de analizar as mensaxes que reciben os nenos e nenas tanto a través de medios de comunicación, como da ficción e a publicidade, tamén dará pautas para abordar os patróns de xénero que se xeran nos medios.
En canto a teñamos dispoñible, vola faremos chegar.
- Cambiemos a mensaxe na publicidade (obradoiro de contra publicidade): o alumnado de 5º e 6º realizará un obradoiro en liña, no que buscaran a identificación das mensaxes sexistas na publicidade e a creación de mensaxes alternativas, principalmente con cartelería, os días 12 e 13 de novembro.
Deixámosvos o cartaz deseñado para a actividade do alumnado.
Saúdos
A Directiva da ANPA.
ANPA FARO 
Marabillosa proposta. Parabéns!