Bo día familias;
Remataron os obradoiros co alumnado de 5º e 6º de primaria do proxecto Cambiemos as Narrativas grazas a subvención concedida pola Secretaría Xeral de Igualdade da Xunta de Galicia.
Queremos facervos chegar, a proposta pedagóxica de Cambiemos as Narrativas, é un guía baseada nunha metodoloxía participativa que emprega ferramentas de educomunicación para informar e formar sobre a igualdade de xénero tanto a alumnado como os país e nais que integran as asociacións. A igualdade de xénero tense abordado nos centros educativos dende diferentes liñas, neste caso a nosa proposta foi a de facelo dende os medios de comunicación (prensa, publicidade, radio, etc.) coa intención de mellorar a competencia mediatica do alumnado participante a partir do desenvolvemento de habilidades dixitais e comunicativas dende unha perspectiva igualitaria, crítica e inclusiva e que promova accións para a transformación social e o desenvolvemento.
Esperamos que a disfrutedes!!!
Saúdos
A directiva da ANPA
Acabo de ver a guía da actividade e encantoume. Paréceme moi necesaria ademais vendo que ainda a violencia machista continúa e dase en franxas de idade cada vez máis novas.
Penso que este tipo de contidos deberían adaptarse e darse a todas as idades.
Grazas polo voso traballo.