CINE

Bo día familias,

No post de hoxe queríamos contarvos unha actividade que comezamos o trimestre pasado nos servizos de madrugadores e comedor.

Por mor da situación da Covid 19 e as medidas adoptadas (non hai préstamo de xoguetes, xogos, libros en madrugadores, grupos burbulla a hora de xantar, espazos separados de espera, etc.) dende a ANPA propuxemos unha actividade de Cinema, para esas horas “de espera” para que sexan menos aburridas e os nenos e nenas poidan pasar un rato xuntos/as tendo unha actividade en común.

A actividade realizase no espazo de comedor, na hora de madrugadores e na aula azul na hora de comedor, coas medidas de seguridade axeitadas  que son coordinadas polas monitoras do servizo.

Deixámosvos unha fotos para que vexades o  desenvolvemento da actividade

Madrugadores/comedor
Madrugadores/Comedor
Aula azul
Aula azul
Aula azul

Se esta iniciativa paréceuvos interesante, aproveitamos a ocasión para invitarvos a participar neste proxecto de ANPA, tanto coma membros coma socios.

Soamente coa vosa axuda, implicación e colaboracion poderemos seguir a traballar no benestar e educación dos nosos nenos/as e acadando melloras no noso centro.

Animádevos. Todo aquel que queira información, que nos envíe un email a anpafaro@hotmail.com e contactaremos con vos o o máis axiña posible.

Saúdos

A directiva da ANPA.

CONVOCATORIA BECA COMEDOR CURSO 2021-2022

Bos días.

Hoxe 30 de marzo de 2021 publicáronse no Boletín Oficial da Provincia da Coruña as bases para a convocatoria das bolsas municipais de comedor para o curso 2021-2022.

O prazo para a presentación de solicitudes será do 5 ao 30 de abril, ambos incluídos.

Os impresos facilitaranse nas oficinas dos rexistros municipais e estarán tamén dispoñibles na sede electrónica municipal (https://sede.coruna.gob.es).

A solicitude específica e os anexos, debidamente cubertos e asinados, e o resto de documentación exixida na convocatoria poderá presentarse, previa cita (010, citaprevia.coruna.gal), nos rexistros municipais (Praza de María Pita, Fórum Metropolitano, Centro Ágora, Franxa e do CCM Mesoiro), no rexistro telemático da sede electrónica municipal (https://sede.coruna.gob.es) así como en calquera outro dos previstos no art. 16.4 da Lei 39/2015, do 1 de outubro, do Procedemento Administrativo Común das Administracións Públicas.

Todos os listados (requirimentos de corrección, listas provisionais e definitivas…) identificarán a solicitude do menor atendendo ao código de asento de rexistro da solicitude inicial.

NOTA: Este ano, entre outros requisitos para acceder á bolsa, o/a alumno/a solicitante deberá ter un DNI, NIE ou número de identificación fiscal válido. Naqueles casos que por imposibilidade legal non dispoñan de ningún dos documentos anteriores, poderán presentar unha instancia no rexistro solicitando a cobertura do gasto de comedor con outro recurso, que será valorado polos equipos técnicos especializados.

Un saudo

A Directiva da ANPA.

MEMORIA 2019/2020

Bos días familias;

Esperamos que todas vos encontredes ben. No post de hoxe tócanos “rendir contas” do curso 2019/2020, debido a situación actual faise imposible poder celebrar a Asemblea, esta tiña que terse celebrado ao inicio de curso, quixemos esperar por si a situación pandémica melloraba e poder facela, pero como ben sabedes, seguimos nun contexto complicado.

Así, que para que vaiades tendo toda a información, deixámosvos neste documento, a memoria de todas as actividades realizadas e a memoria económica do curso 2019/2020, para que leades con calma e se tedes dúbidas, suxerenzas,… estaremos encantadas/os de que nos escribades ao e-mail e lles daremos resposta.

Saúdos

A Directiva da ANPA Faro.

COMEDOR – TALLER DE CIENCIA.

Boas tardes,

O luns día 8 de Febreiro vaise realizar un taller de ciencia no comedor. Realizarao Raquel, que é a persoa responsable en JARDANAY do programa de ciencia con-ciencia.

Neste caso, explicarase a importancia do lavado de mans para eliminar os virus. O taller será demostrativo, debido ás circunstancias do Covid, isto é, os nenos participan de oíntes, pero para evitar calquera tipo de contaxio, non poderán realizar o experimento.

Aínda así, agardamos que lles guste e achéguelles unha información interesante. Achegamosvos un arquivo para que vos fagades unha idea de como vai ser.

Un saúdo.

A Directiva da ANPA.

INFORMACIÓN CAMPAÑA INSTITUCIONAL REFERENTES FEMININOS

Bos días,

Seguimos a traballar no tema de achegarvos propostas educativas sobre igualdade de xénero..

Neste caso trátase da iniciativa: #NOMOREMATILDAS.

É unha campaña institucional da Asociación de Mujeres Investigadoras e Tecnólogas ( AMIT). O obxectivo é dar a coñecer o Efecto Matilda e inspirar e fomentar a vocación científica en nenas e adolescentes. A campaña está aberta a todos aqueles que queiran difundir a obra destas científicas para recuperar referentes femininos para nenas e adolescentes. Todo iso debido á escasa vocación e falta de referentes entre as nenas no ámbito das ciencias e tecnoloxía. Todos os materiais ofrécense de forma libre para a súa difusión ou calquera uso non comercial.

Deixamosvos o link á web:

https://www.nomorematildas.com/

E o vídeo que se está propagando por twitter e wasap:

O seguimento que está a ter a campaña está a ser todo un éxito. Anímamosvos a interesarvos pola iniciativa,

Un saudo

A Directiva da ANPA

COMUNICADO URXENTE – EXTRAESCOLARES

Estimadas familias:

Debido a subida da curva de contaxios na nosa cidade vémonos na obriga de suspender as actividades extraescolares. Por prevención é necesario tomar esta medida que entendemos que, ainda que é un problema para a conciliación das familias que necesitan deste servizo, polo control de posibles futuros contaxios e evitar brotes máis amplos que pasen dunha burbulla de convivencia a outra, e polas recomendacións de autoaillamento que hai por parte das autoridades sanitarias, cremos que é a opción máis axeitada, ata que a curva de contaxios volva baixar.

Para as familias que sigan necesitando servizo de conciliación, facilitámosvos a seguinte ligazón de Canguros Municipais.

https://www.coruna.gal/igualdade/es/servicios/servicio-municipal-de-canguraje/canguros-concilia-covid?argIdioma=es&fbclid=IwAR2oRE_LpnksQhfeCtB2af_H44xkzUBDNMVexOy4MxyRauywev2-kFNYd94

Unha aperta e coidadevos moito.

A Directiva da ANPA.

EXTRAESCOLARES

Boas tardes.
Tras conversas mantidas coa federación a pasada semá, informarvos de que as actividades mantendranse polo momento e ata novas ordes.
Fixemoslles fincapé á federación para que transmitan a todolos monitores que extremen as precaucions e para que se cumplan os protocolos a raxatabla , tanto en protección persoal como en distanciamento.
Calquera novedade comunicarase a través do noso blogue.
Un saudo.

A Directiva da ANPA